-
-
-
-
काठमाडौँ । नेकपा एमालेका अध्यक्ष केपी शर्मा ओली र पार्टीप्रति असन्तुष्ट रहेका नेता डा. भीमबहादुर रावलबीच भेटवार्ता भएको छ ।
अध्यक्ष ओलीको सचिवालय बालकोटले रावलसँगको तस्विर राख्दै दुई जनाबीच भेटवार्ता भएको जनाएको हो। पार्टीको १०औँ महाधिवेशनमा अध्यक्ष पदमा ओली र रावलबीच प्रतिस्पर्धा भएकोमा त्यसयता रावल र ओलीबीचको सम्बन्ध तिक्ततापूर्ण रहँदै आएको छ ।
केही महिनाअघि रावललाई पार्टी काममा फर्काउन भन्दै अध्यक्ष ओलीले उपाध्यक्ष विष्णु पौडेलको नेतृत्वमा तीन सदस्यीय वार्ता टोली गठन गरेका थिए ।
तर त्यो टोलीले एक पटक कुरा गरेपछि त्यसपछि कुनै चासो नै देखाएन । अछामलाई एमालेको गढ बनाएका रावललाई ओलीले प्रतिनिधि सभामा टिकटसमेत नदिएर बाहिर राखे । रावललाई कुनै जिम्मेवारीसमेत दिएका छैनन् ।
आजको उनीहरूको भेटलाई अर्थपूर्ण रूपमा हेरिएको छ।
