के छ सरकारी वकिलको कार्यालयले अदालतमा बुझाएको आठ सय ३३ पृष्ठ लामो अभियोगपत्रमा [पूर्णपाठ]
हाम्रा कुरा
प्रकाशित २०८० भदौ १० आइतबार
975
Shares
काठमाडौँ । बालुवाटारको ललिता निवास जग्गा हिनामिना प्रकरणमा संलग्न भएको अभियोगमा दुई सय ८९ जनाविरुद्ध मुद्धा दायर भएको छ । सरकारी वकिलको कार्यालय काठमाडौँले उनीहरुविरुद्ध कीर्तेमा मुद्दा चलाएको हो ।
मुलुकी फौजदारी कार्यविधि संहिता २०७४ को दफा ३२ बमोजिम अभियोगपत्र दायर गरिएको हो ।
जसमा पूर्वउपप्रधानमन्त्री विजयकुमार गच्छदारसहित चार पूर्वमन्त्री, बहालवाला सचिव कृष्णबहादुर राउत, सहसचिव सुशील वैद्य, ६ पूर्वसचिवसमेत रहेका छन् ।
उनीहरुविरुद्ध आज काठमाडौँ जिल्ला अदालतमा मुद्दा दायर भएको हो । अदालतका सूचना अधिकारी दीपक दाहालका अनुसार उनीहरूमाथि कीर्तेमा मुद्दा दायर भएको हो ।
प्रहरीको केन्द्रीय अनुसन्धान ब्युरो सीआईबीले कीर्ते र संगठित अपराधमा मुद्दा चलाउन २८६ जनाको नाममा राय दिएकामा जिल्ला सरकारी वकिलको कार्यालयले आइतबार २८९ जनाविरुद्ध अभियोजन गर्ने निर्णय गरी अदालत गएको हो ।
निर्वाचन आयोगका पूर्व निर्वाचन आयुक्त सुधीरकुमार शाहलाई भने वकिल कार्यालयले मुद्धा चलाएन । तर तीन जनाको नाम भने थप्यो ।
त्यसैगरी प्रतिवादी बनाइएका २१ जनाको भने मृत्यु भइसकेको छ ।
सरकारी वकिलले दायर गरेको अभियोग पत्रमा के छ ? आठ सय ३३ पृष्ठको यस्तो छ अभियोग पत्र
