-
-
-
-
पोखरा । अरिंगालले चिलेर स्याङ्गजामा एक जनाको ज्यान गएको छ । मृत्यु हुनेमा बिरूवा गाउँपालिका वडा नं. १ किचनाका २८ वर्षीय चेलिस श्रेष्ठ रहेका छन् ।
जिल्ला प्रहरी कार्यालय स्याङ्गजाका अनुसार मंगलबार बेलुकी ७ बजे घर नजिकैको वनमा अरिंगाल पोल्ने क्रममा अरिंगाले चिल्दा श्रेष्ठ गम्भीर घाइते भएका थिए ।
उनलाई तत्कालै उपचारका लागि पोखरास्थित गण्डकी मेडिकल कलेजमा ल्याइएको थियो ।
उनलाई राति १ः३० बजे चिकित्सकले मृत घोषणा गरेको प्रहरी प्रवक्ता रवीन्द्र खनालले जानकारी दिए ।
अरिंगाल पोल्नका लागि श्रेष्ठसँगै जंगल गएका अन्य पाँच जनालाई भने केही नभएको डिएसपी खनालले बताए ।
