-
-
-
-
दार्चुला । दार्चुलामा डेंगी संक्रमणबाट एक बालिकाको मृत्यु भएको छ । जिल्लाको महाकाली नगरपालिका –९ दत्तुकी १४ वर्षीया जेलिना चैसिरको मृत्यु भएको हो ।
भदौ ७ गते जिल्ला अस्पताल दार्चुलामा डेंगी पोजेटिभ देखिएकी चैसिरको उपचारको क्रममा भारतको हल्द्वानीमा गएराति मृत्यु भएको पारिवारिक स्रोतले जनाएको छ । चैसिर राष्ट्रिय माध्यमिक दत्तुमा कक्षा ९ मा अध्ययनरत छात्रा हुन् ।
दार्चुलामा चालु आर्थिक वर्षको हालसम्म ३७ जनामा डेंगी संक्रमण देखिएको जिल्ला अस्पताल दार्चुलाले जनाएको छ ।
