नेम्वाङको पार्थिव शरीर पार्टी कार्यालय च्यासल ल्याइँदै, एमाले नेताहरु शिक्षण अस्पतालमा

हाम्रा कुरा

प्रकाशित २०८० भदौ २६ मंगलबार

काठमाडौँ । एमाले उपाध्यक्ष एवं पूर्व सभामुख सुवासचन्द्र नेम्वाङको पार्थिव शरीर ८ बजेतिर पार्टी कार्यालय च्यासल ल्याइँदैछ । त्यसअघि उनको पार्थिव शरीर शिक्षण अस्पताल महाराजगञ्जमै रहने छ ।

एमालेका नेताहरु अहिले शिक्षण अस्पतालमा रहेका छन् । एमाले सचेतक महेशकुमार बर्तौलाका अनुसार ८ बजेतिर उनको पार्थिव शरीर एमाले मुख्यालय च्यासलमा ल्याइन लागेको हो ।

नेम्वाङका दुई छोरामध्ये एक अष्ट्रेलियामा र अर्का बेलायतमा रहेका कारण उनीहरु फर्केपछि मात्रै नेम्वाङको अन्तिम संस्कार हुनेछ । बर्तौलाका अनुसार बुधबारमात्रै नेम्वाङको अन्त्येष्टि हुन लागेको हो ।