काठमाडौँ । नेपालको पहिलो डिजिटल वालेट "आइएमई पे" ले बुबाको मुख हेर्ने दिनलाई लक्षित गर्दै “मेमोरिज विथ फादर शेयर द जोए” नामक अफर सार्वजनिक गरेको छ।
भदौ २६ देखि भदौ २८ गतेसम्म चल्ने सो अफरमा सेवाग्राहीले आईएमई पेको फेसबुक पेजमा रहने “बुबाको मुख हेर्ने दिन” सम्बन्धित पोस्टमा आफू र आफ्नो बुबाको मीठा, रमाइला र यादगार पलहरूलाई समेटेर कमेन्ट लेख्ने र # babarama पनि राखेर पोस्ट गर्नुपर्नेछ ।
ती कमेन्टहरूमध्ये सबैभन्दा उत्कृट (रोमान्चक तथा भावुक) कमेन्ट गर्ने १० जना भाग्यशाली विजेता छनौट गरिने र विजेताहरूलाई ह्युमन फिटको पाँच हजार रुपैयाँ बराबरको गिफ्ट ह्याम्पर उपहार स्वरुप प्रदान गरिने आईएमई पेले जनाएको छ ।
’आइएमई पे’ मोबाइल वालेट एप अन्तर्गतको विद्युतीय भुक्तानी सेवा प्रदायक हो । नेपाल राष्ट्र बैंकको भुक्तानी तथा फर्छ्यौट विनियमावली- २०७२ बमोजिम ’आईएमई डिजिटल’ दूरसञ्चार सञ्जालको माध्यमबाट मोबाइल वालेट सेवा प्रदान गर्ने पहिलो कम्पनी हो ।
२० लाखभन्दा बढी ग्राहकहरूलाई सिधै मोबाइल वालेट एप तथा एजेन्टहरूमार्फत आईएमई पेले विद्युतीय भुक्तानी सेवा प्रदान गर्न सफल भएको छ ।
