-
-
-
-
काठमाडौँ । पूर्व प्रधानमन्त्री एवं नेपाल समाजवादी पार्टीका अध्यक्ष डा. बाबुराम भट्टराई एक साता लामो भ्रमणका क्रममा शनिबार भारत गएका छन् ।
नेपाल समाजवादी पार्टी (नेसपा) को प्रवास कमिटीको निमन्त्रणामा अध्यक्ष भट्टराई शनिबार भारत प्रस्थान गरेका हुन् ।
साताब्यापी भ्रमणका क्रममा उनले नेपाली समुदायसँग छलफल र अन्तरक्रिया गर्नुका साथै नेपालको आर्थिक विकास लगायतका विषयमा प्रवचन दिनेछन् ।
भट्टराईको सचिवालयका अनुसार भारत भ्रमणको क्रममा त्यहाँ रहेका नेपाल–भारत सम्बन्धमा जानकार बुद्धिजीवी, नागरिक समाजका अगुवासँग पनि भेटघाट गर्ने कार्यक्रम छ।
भारतका मुख्य शहरहरू गोवा, कर्नाटक, नयाँदिल्ली र चन्डिगढमा आयोजित कार्यक्रममा सहभागी भएर उनी असोज ५ गते मात्रै स्वदेश फर्कने छन् ।
