-
-
-
-
काठमाडौँ । राष्ट्रिय फुटबल टिमका खेलाडीअञ्जन विष्टले नेपालका लागि सर्वाधिक गोलको कीर्तिमान बराबरी गरेका छन् । लाओसविरुद्धको विश्वकप छनोटको खेलमा गोल गर्दै अञ्जनले हरि खड्का र निराजन रायमाझीले राखेको १३ गोलको कीर्तिमानको बराबरी गरेका हुन् ।
दशरथ रंगशालामा बिहीबार नेपालका लागि १३ औँ व्यक्तिगत गोल पूरा गरेर अञ्जनले नेपाललाई हारबाट जोगाएका हुन् । नेपाल १–० ले पछि परेको अवस्थामा अञ्जनले ४८ औँ मिनेटमा नेपालका लागि बराबरी गोवल गरेका थिए ।
यसअघि लाओसका लागि ३३ औँ मिनेटमा कप्तान बोनफाचन बौकोङ्गले गोल गरेका थिए ।
अब दोस्रो लेगको खेल आगामी मंगलबार लाओसको मैदानमा हुनेछ । जित्ने टिम विश्वकप छनोटको दोस्रो चरणमा पुग्नेछ ।
