-
-
-
-
काठमाडौँ । नेपालमा गत जेठ ३१ गते भित्रिएको यस वर्षको मनसुन आजदेखि बाहिरिएको छ ।
जल तथा मौसम विज्ञान विभाग मौसम पूर्वानुमान महाशाखाका अनुसार नेपालमा मनसुन बाहिरिने सरदर मिति अक्टोबर २ रहेकामा यस वर्ष १३ दिन ढिलो गरी मनसुन बाहिरिएको हो ।
यस वर्षको मनसुन १२४ दिन जति नेपालमा रहेको छ । यही असोज १९ गतेदेखि मनसुन क्रमिक रूपमा बाहिरिन शुरु गरेको थियो ।
यसैबीच पश्चिमी न्यून चापीय प्रणालीको कारण आजदेखि नेपालको सुदूरपश्चिम, कर्णाली र लुम्बिनी प्रदेशका उच्च पहाडी भेगमा हल्का हिमपातको सम्भावना रहेको महाशाखाले जनाएको छ ।
हाल देशको पहाडी भू-भागमा आंशिक देखि सामान्य बदली रही बाँकी भू-भागको मौसम सामान्यतया सफा रहेको छ।
कोशी, बागमती , गण्डकी, कर्णाली र सुदूरपश्चिम प्रदेशका पहाडी भू-भागdf मेघ गर्जन चट्याङ वर्षाको सम्भावना रहेको छ।
