-
-
-
-
काठमाडौँ । नेपाली कांग्रेसका पूर्व सांसद दिव्यमणी राजभण्डारीले जाजरकोट र रुकुमका भूकम्प पीडितलाई सघाउन पाँच लाख रुपैयाँ सहयोग गर्ने घोषणा गरेका छन् ।
समाजसेवामा सदैव सक्रिय रहने राजभण्डारीले भूकम्पबाट जनधनको क्षति भएकामा दुःखी भएको भन्दै निधन भएकाहरु सबैको आत्मा शान्तिको कामनासमेत गरेका छन् ।
सामाजिक सञ्जालमार्फत उनले सबै पीडित तथा घाइतेहरुको उद्धार तथा सहयोग गर्नु आफूहरुको कर्तव्य भएको भन्दै आफू र आफ्नो परिवारका तर्फबाट पाँच लाख रुपैयाँ सहयोग गर्ने घोषणा गरेका हुन् ।
हरेक विपदमा राजभण्डारी सहयोगका लागि अग्रसर रहँदै आएका छन् । यसअघिका भूकम्पदेखि बाढी पहिरो अनि कोरोना भाइरसका बेलामासमेत पीडितलाई सहयोग गरेका थिए ।
