भूकम्प प्रभावित क्षेत्रमा गएका हवाई सवारीको इन्धनको खर्च आयल निगमले बेहोर्ने

हाम्रा कुरा

प्रकाशित २०८० कार्तिक १८ शनिबार

काठमाडौँ । नेपाल आयल निगमले जाजरकोट भूकम्प प्रभावित क्षेत्रमा राहत तथा उद्धार कार्यमा खटिएका हवाई सवारीमा प्रयोग भएको इन्धनको खर्च आफैँले बेहोर्ने भएको छ ।

निगमले विनाशकारी भूकम्प र उक्त भूकम्पबाट ठूलो जनधनको क्षति भएको भन्दै ज्यान गुमाउने सम्पूर्णमा श्रद्धाञ्जलीसमेत अर्पण गरेको छ ।

निगमले विज्ञप्ति जारी गर्दै घाइतेहरुको स्वास्थ्य उपचार लगायत तत्काल उद्धार तथा खोजी कार्यलाई तीव्रता दिन अनुरोधसमेत गरेको छ ।

सो क्रममा विपदको घडीमा प्रभावित क्षेत्रमा राहत तथा उद्धार कार्यमा खटिएका नेपाल एयरलाइन्स र नेपाली सेनाको हवाइजहाज तथा हेलिकोप्टरमा प्रयोग हुने हवाई इन्धनबापतको रकम रकम निगमले आफ्नो आर्थिक वर्ष २०८०–८१ को संस्थागत सामाजिक उत्तरदायित्व शीर्षकबाट व्यहोर्ने निर्णय भएकोसमेत जनाएको छ ।