-
-
-
-
रसुवा । काठमाडौँ मेडिकल कलेज (केएमसी) ले रसुवाको गौकुण्ड गाउँपालिकामा निःशुल्क स्वास्थ्य शिविरको आयोजना गरेको छ ।
गौकुण्ड गाउँपालिका ३ को गौतमबुद्ध माविमा वाइपेन यूएन प्रोजेक्ट नेपालसँगको सहकार्यमा गरिएको निःशुल्क स्वास्थ्य शिविरमा ७५३ जनाको स्वास्थ्य जाँच गरिएको केएमसीका प्रबन्धक नारायण दाहालले जानकारी दिए ।
शिविरमा १०१ जनाको ईसीजी, १२७ जनाको अल्ट्रा साउन्ड, १२२ जनाको ल्याब परीक्षण गरिएको थियो । त्यस्तै १३ जनाको दाँत खोलिएको र ४४ जनालाई थप उपचारका लागि सिफारिस गरिएको दाहालले जानकारी दिए ।
नेपाली कांग्रेसका सांसद डा. सुनीलकुमार शर्माले केएमसी सम्हालेपछि अस्पतालले निरन्तर सामाजिक उत्तरदायित्व अन्तर्गत गाउँगाउँमा पुगेर निःशुल्क स्वास्थ्य शिविर सञ्चालन गर्दै आइरहेको छ ।
