आजसम्म टिकटक बन्द नगरे ५५ इन्टरनेट सेवा प्रदायकको लाइसेन्स खारेज

हाम्रा कुरा

प्रकाशित २०८० मंसिर १३ बुधबार

काठमाडौँ । नेपालमा अझै पनि टिकटक चलिरहेको पाइएपछि नेपाल दूरसंचार प्राधिकरणले कडा कदम चाल्ने भएको छ । सरकारले गत कार्तिक २७ गते सामाजिक सद्भाव खल्बलिने गरी समाजमा नकारात्मक असर परेको भन्दै टिकटक बन्द गर्ने निर्णय गरेको थियो ।

तर अहिलेसम्म पनि टिकटक पूर्ण रुपले बन्द नभएपछि प्राधिकरणले कडा कदम चाल्ने भएको हो । उसले आजभित्र टिकटक बन्द गरेको जानकारी नदिए ५५ वटा इन्टरनेट सेवा प्रदायकहरुको लाइसेन्स खारेज गर्ने चेतावनी दिएको छ।

बन्द गर्ने निर्णयसँगै नियामक प्राधिकरणले टिकटक बन्द गरे नगरेको जानकारी गराउन सबै इन्टरनेट र मोबाइल सेवा प्रदायकहरुलाई निर्देशन दिएको थियो।