काठमाडौँ । नेपालका लागि टाटा मोटर्सको एकमात्र अधिकारिक वितरक, सिप्रदी ट्रेडिङ्ग प्रालीले म्याक्सचेञ्ज मेला कार्यक्रम आयोजना गर्न लागेको छ ।
यस मेलामा जुनसुकै ब्राण्डका पुराना गाडीहरुसँग टाटाको नेपालमा सर्वाधिक रुचाइएको टाटा नेक्सन म्याक्ससँग साट्न सकिनेछ ।
ग्राहकवर्गको परिवर्तित जीवनशैली र अत्याधुनिक सवारीहरु प्रतिको रुची तथा चाहनाहरुलाई मध्यनजर गर्दै यस मेलाको आयोजना गर्न लागिएको हो ।
मेला यही मंसिर १५ गतेदेखि मंसिर १७ गतेसम्म काठमाडौँ, भक्तपुरलगायत नेपालभर टाटा मोटर्स्को शोरुमहरुमा आयोजना गर्न लागिएको सिप्रदीले जनाएको छ ।
म्याक्सचेञ्ज मेलामा निःशुल्क रुपमा ईभी गाडीहरुका लागि फास्ट चार्जर, १ वर्षको अटोप्लस इन्स्योरेन्स, १ वर्षको सवारी कर, एक्सेसरिज तथा एक्सचेन्ज बोनस प्राप्त गर्न सकिनेछ ।
साथै प्रत्येक टेस्ट ड्राइभमा गिफ्ट ह्याम्पर, हरेक दिन लक्की ड्रमार्फत स्मार्ट वाच र बम्पर उपहारमा आइफोन १५ लगायतका आकर्षक उपहारहरु रहेका छन् ।
यस म्याक्सचेञ्ज मेलाको अवसरमा ग्राहक महानुभावहरुले टाटा मोटर्स्को नयाँ तथा अत्याधुनिक डिजाइनका उत्पादनहरु अवलोकन, टेष्ट ड्राइभ तथा सट्टापट्टा गर्न सक्ने पनि सिप्रदीले जनाएको छ ।
साथै नयाँ गाडी खरिद गरी मेलाको भरपुर फाइदा उठाउन कम्पनीले अनुरोध गरेको छ ।
