-
-
-
-
काठमाडौँ । काठमाडौँ उपत्यकामा चिसो बढेको छ । चिसो बढेसँगै काठमाडौँ आसपासको क्षेत्र धुम्म भएको छ । चिसो त्यसमाथि पनि धुम्म भएसँगै उपत्यकामा प्रदूषण बढ्दै गएको छ । आँखा चिलाउने, नाक चिलाउने लगायतका समस्या देखिन थालेका छन् ।
हावा नलाग्दा काठमाडौँ आसपासमा धुलो धुवाँ जम्मा भएर धुम्म हुँदै गएको हो । काठमाडौँका विभिन्न क्षेत्रको एयर क्वालिटी इन्डेक्स (एक्यूआई) समेत अस्वस्थ्यकर रहेको छ ।
मंगलबार दिउँसो काठमाडौँस्थित कुलेश्वर वरिपरिको एक्यूआई ११२ रहेको थियो । त्यस्तै अमेरिकी दूतावास अगाडि महाराजगञ्जको एक्यूआई १६३ रहेको थियो भने भक्तपुर लोकन्थलीको एक्यूआई १०८ रहेको थियो ।
समग्रमा काठमाडौँको एक्यूआई १२८ रहेको एक्यूएयर डट कमले जनाएको छ ।
