कांग्रेस केन्द्रीय कार्यसम्पादन समितिको बैठक बस्ने, तीन विषयमा छलफल

हाम्रा कुरा

प्रकाशित २०८० मंसिर २५ सोमबार

काठमाडौँ । नेपाली कांग्रेसको केन्द्रीय कार्यसम्पादन समितिको बैठक बोलाइएको छ । सभापति शेरबहादुर देउवाले मंसिर २९ गतेका लागि केन्द्रीय कार्यसम्पादन समितिको बैठक बोलाएका हुन् ।

महासमिति बैठकको तयारी तथा समसामयिक विषयमा छलफल गर्न केन्द्रीय कार्यसम्पादन समितिको बैठक बोलाइएको कांग्रेस पार्टी कार्यालयका मुख्य सचिव कृष्णप्रसाद पौडेलले जानकारी दिए ।

बैठकमा विशेषगरी तीन प्रस्ताव प्रस्तुत हुनेछन् । जसमा महासमिति बैठक तयारी सम्बन्धमा, जाजरकोट भूकम्प सम्बन्धमा र समसामयिक राजनीतिक सम्बन्धमा छलफल हुने भएको छ ।

कांग्रेसले पुस १६ देखि १९ का लागि महासमिति बैठक बोलाएको छ । तर उक्त बैठक पनि फेरि सार्ने तयारी भइरहेको चर्चा चलिरहेको छ । अनेक बहाना बनाएर पटक पटक बैठक सर्दै आएको छ ।