रोशीमा केएमसीको निःशुल्क स्वास्थ्य शिविर, ७७२ जनाले लिए सेवा
हाम्रा कुरा
प्रकाशित २०८० मंसिर २७ बुधबार
1.7k
Shares
काठमाडौँ । काठमाडौँ मेडिकल कलेज (केएमसी) ले काभ्रेपलाञ्चोकको रोशी गाउँपालिकामा निःशुल्क स्वास्थ्य शिविर आयोजना गरेको छ ।
ग्रीस नेपाल र रोशी गाउँपालिकाको संयुक्त आयोजनामा गाउँपालिकाको भवनमा स्वास्थ्य शिविर आयोजना गरिएको हो ।
जसमा ७७२ बिरामीले सेवा लिएका थिए । केएमसीका प्रबन्धक नारायण दाहालका अनुसार १६२ जनाले यूएसजी, १३७ जनाले ल्याब तथा ८३ जनाले ईसीजीसमेत गरेका थिए ।
२८ जनाको दाँत खोलिएको थियो भने ३९ जनालाई ओटी रेफर गरिएको छ ।
प्रतिनिधि सभा सदस्य एवं नेपाली कांग्रेसका सांसद डा. सुनीलकुमार शर्माले केएमसी र नोबेल मेडिकल कलेज सम्हालेपछि सामाजिक उत्तरदायित्व अन्तर्गत हरेक हप्ताजसो केएमसीले निःशुल्क स्वास्थ्य सेवा दिँदै आएको छ ।
अस्पतालमा समेत सस्तोमा सेवा दिइरहेको प्रबन्धक दाहालले बताए ।
