-
-
-
-
काठमाडौँ । नेपाली कांग्रेसका उपसभापति एवं कानून, न्याय तथा संसदीय मामिला मन्त्री धनराज गुरुङले राष्ट्रिय सभामा पटक–पटक अवसर पाएका र प्रतिनिधि सभाको चुनाव हारेकालाई ल्याउन नहुने बताएका छन् ।
बुधबार बत्तीसपुतलीमा बसेको गगन–शेखर समूहको बैठकपछि संचारकर्मीसँग कुरा गर्दै गुरुङले पटक–पटक अवसर पाएकालाई राष्ट्रिय सभामा ल्याउन नहुनेमा आफूहरु दृढ रहेको बताएका हुन् ।
उनले भने, ‘‘पटक–पटक अवसर पाएकालाई राष्ट्रिय सभामा ल्याउनु हुन्न । चुनाव हारेकालाई दिँदा राम्रो सन्देश जाँदैन ।’
गुरुङले महासमिति बैठकको एजेण्डाबारे छलफल गर्न संस्थापनइतर समूहको बैठक बसेको बताए ।
महासमिति बैठकका लागि शुक्रबार केन्द्रीय कार्यसम्पादन समितिको बैठक बस्दैछ ।
