-
-
-
-
काठमाडौँ । इङ्गलिश प्रिमियर लिग फुटबल अन्तर्गत खेल खेलिरहेका बेला लुटन टाउनका कप्तान टम लकयरलाई हृदयाघात भएको छ ।
गएराति लुटन टाउन र बर्नमाउथबीचको खेल जारी रहेको बेला खेलको ६० औँ मिनेटमा टम मैदानमै ढलेका थिए ।
मैदानमै अचानक ढलेपछि उनलाई खेलाडीले तुरुन्त खेल रोकेर सहयोगका लागि पुगेका थिए ।
उनलाई मैदानमै प्राथमिक उपचार गराएपछि अस्पताल लागिएको थियो । प्रिमियर लिगले कप्तान टमलाई हृदयाघात भएको र उनको अवस्था ठीक रहेको बताएको छ । सो घटनापछि रोकिएको खेल पछि स्थगित गरिएको थियो ।
क्लब लुटन टाउनले टमको अवस्था ठीक रहेको जानकारी दिदै सहयोग गर्ने सबैलाई धन्यवाद दिएको छ ।
टम यसअघि च्याम्पियनशिप प्लेअफको फाइनलमासमेत यसरी नै मैदानमा ढलेका थिए । त्यसपछि पनि उनलाई अस्पताल लागिएको थियो ।
गत जुनको सो घटनापछि उनलाई चिकित्सकले अप्रेसनपछि फेरि खेल्न अनुमति दिएका थिए ।
