-
-
-
-
पोखरा । पोखरा महानगरपालिका वडा नं. १० वीरेन्द्रचोकमा पूर्वराजा वीरेन्द्र शाहको शालिक पुनःस्थापना गरिएको छ ।
गएराति १ बजेर ४५ मिनेटको शुभ मुहूर्तमा शालिक स्थापना गरिएको बताइएको छ ।
शालिक ८ फिट अग्लो ढलोटको रहेको छ । शालिक निर्माणका लागि करिब २५ लाख रुपैयाँ खर्च भएको बताइएको छ ।
यसअघि निर्मित शालिक माओवादीका कार्यकर्ताले तोडफोड गरेर फालेका थिए ।
पोखराका चोकहरुमा रहेका शालिकका विषयमा विवाद रहँदै आएको छ ।
विशेषगरि पोखराको पृथ्वीचोक, विरौटाको वीरेन्द्रचोकको शालिकको विषयमा विवाद छ ।
पृथ्वीचोकमा हाल लगन थापाको शालिक राखिएको छ भने विरौटाको वीरेन्द्रचोकलाई तमु ह्युल चोक नामाकरण गरिएको छ ।
