मन्त्री अनितादेवी र सांसद सीके राउत पक्राउबारे सभामुख घिमिरेको चासो

हाम्रा कुरा

प्रकाशित २०८० पुष १६ सोमबार

काठमाडौँ । सभामुख देवराज घिमिरेले जनमत पार्टीका अध्यक्ष एवं सांसद सीके राउत, संघीय मामिला तथा सामान्य प्रशासन मन्त्री अनिता देवी र उद्योग तथा वाणिज्य र श्रम तथा उपभोक्ता हित समितिका सभापति अब्दुल खान पक्राउबारे चासो राखेका छन् ।

सोमबार ‘राष्ट्रिय धोती दिवस’भन्दै निकालिएको र्‍याली निषेधित क्षेत्र माइतीघरमा प्रवेश गर्न खोजेपछि राउत, देवी, खानसहित ५३ जनालाई प्रहरीले नियन्त्रणमा लिएको थियो ।

संसदीय दलका नेता, सांसद तथा संसदीय समिति सभापति पक्राउ परेपछि सभामुख घिमिरेले उपप्रधान तथा गृहमन्त्री नारायणकाजी श्रेष्ठ र प्रहरी प्रमुख बसन्त कुँवरबाट जानकारी लिएको सभामुखका प्रेस सल्लाहकार शेखर अधिकारीले जानकारी दिए ।