-
-
-
-
काठमाडौँ । सञ्चारकर्मी एवं गीतकार सहदेव चौधरीले चोखो माया बोलको गीत बजारमा ल्याएका छन् । चौधरीले लेखेको गीतमा संगीता राना प्रधानको स्वर रहेको छ।
प्रेमको आग्रह गरिएको भावको गीतमा जुगल डंगोलले संगीत तथा अरेन्ज गरेका छन् । एक दशकभन्दा बढी समय अगाडि हाम्राकुरा डटकमबाट पत्रकारितामा पाइला चालेका चौधरी निरन्तर ‘मेन स्ट्रिम’ मै रहेर काम गरिरहेका छन् । हाल उनी अनलाइन खबरमा कार्यरत छन् ।
उनी गीत–संगीततिर पनि झुकाव राख्छन् । ‘चोखो माया’ उनले रचेको पहिलो रेकर्ड भएको गीत हो ।
आर्टम्युज स्टुडियोमा रेकर्डिङ तथा मिक्सिङ गरिएको गीतलाई एसियन म्युजिक युट्युब च्यानलबाट सार्वजनिक गरिएको छ।
