-
-
-
-
काठमाडौँ । नेपालमा पनि कोरोना भाइरसको ओमिक्रोनको सब–भेरियन्ट जेएन–१ भएको पुष्टि भएको छ ।
स्वास्थ्य तथा जनसंख्या मन्त्रालयले आइतबार गरेको १६ जनाको पीसीआर तथा एन्टिजेन पोजेटिभ नमूनाहरुको राष्ट्रिय जनस्वास्थ्य प्रयोगशालामा गरिएको जिनोम सिक्वेन्सिङ प्रविधिबाट सात ओटा नमूनामा जेएन–१ पुष्टि भएको जनाएको छ ।
मन्त्रालयले संक्रमण र संक्रमणको फैलावट रोकथाम गर्नका लागि सबैलाई जनस्वास्थ्यका मापदण्ड अपनाउन आग्रह गरेको छ ।
मन्त्रालयले नेपालमा अहिले सक्रिय संक्रमितको संख्या उल्लेख नगरेको भए पनि वल्डोमिटर्सले भने ९७ जना सक्रिय संक्रमित रहेको देखाएको छ ।
पछिल्लो समय भारत र चीनमा कोरोनाको नयाँ सब–भेरियन्ट तीव्र रुपमा फैलिइरहेको छ ।
