गणेशमान सिंह फाउण्डेसन गण्डकीमा तिमिल्सिना

हाम्रा कुरा

प्रकाशित २०८० पुष २९ आइतबार

पोखरा । २०४६ सालको जनआन्दोलनका कमान्डर गणेशमान सिंहको नामबाट स्थापित गणेशमान सिंह फाउण्डेसन विस्तार गर्ने क्रममा प्रदेश तहमा पनि पुगेको छ । यस क्रममा फाउण्डेसनको गण्डकी प्रदेश समिति बनाइएको छ ।

समितिको अध्यक्षमा नेपाली कांग्रेसका महासमिति सदस्यसमेत रहेका दुर्गाप्रसाद तिमिल्सिना चयन भएका छन् । तिमिल्सेना पोखरा उपत्यका नगर विकास समितिको पूर्व अध्यक्ष तथा पार्टीको पूर्व क्षेत्रीय सभापति समेत हुन् ।

गणेशमान सिंहका छोरा, नेपाली कांग्रेसका नेता प्रकाशमान सिंहको उपस्थितिमा पोखरामा प्रदेश समिति घोषणा गरिएको हो ।