-
-
-
-
काठमाडौँ । यस वर्ष देशभर चिसो महसुस गरिएको छ । हाल तराईका भूभागमा हुस्सु र कुहिरो लागेको छ ।
चिसोका कारण तराई कठ्याङ्ग्रिएको छ । दिपायल ३ दशमलव ४ , नेपालगन्ज ४ दशमलव ३, भैरहवा ४ दशमलव ५, विराटनगर ७ दशमलव ५ डिग्री न्यूनतम तापक्रम रहेको छ ।
तराईका अधिकांश स्थानमा हुस्सु–कुहिरो लाग्ने हुँदा दैनिक जनजीवन, स्वास्थ्य, यातायात तथा हवाई यातायातमा प्रभाव परेको छ ।
काठमाडौँको मौसम पनि उस्तै चिसो रहेको छ । काठमाडौँको मौसम हिजो तीन दशमलव दुई डिग्री रेकर्ड गरिएको थियो ।
आज शून्य दशमलव तीन डिग्रीले बढेको छ । काठमाडौँ अधिकतम तापक्रम १७ दशमलव ५ र न्यूनतम तापक्रम ३ दशमलव ५ डिग्री रहेको छ ।
जुम्लामा सबैभन्दा चिसो माइनस दुई दशमलव पाँच डिग्री तापक्रम रेकर्ड गरिएको छ ।
आज दिउँसो देशका पहाडी भू-भागमा आंशिकदेखि सामान्य बदली रही बाँकी भू-भागमा मौसम मुख्यतया सफा रहने विभागले जनाएको छ ।
देशका उच्च पहाडी तथा हिमाली भू-भागका एक-दुई स्थानमा हल्का हिमपातको सम्भावना रहेको छ ।
चिसोबाट बच्न आवश्यक उपाय तथा सतर्कता अपनाउन विभागले सबैमा अनुरोध गरेको छ ।
