-
-
-
-
जनकपुर । मधेस प्रदेशबाट राष्ट्रिय सभाको निर्वाचनमा सत्ता गठबन्धन विजयी भएको छ । नेपाली कांग्रेसका आनन्दप्रसाद ढुंगाना र जनता समाजवादी पार्टी जसपाकी पूजा चौधरी निर्वाचित भएका हुन् ।
मधेसमा दुई सिट खाली रहेकामा त्यसकै लागि मतदान भएको थियो । पाँच जनाले उम्मेदवारी दिएकामा दुई जना निर्वाचित भएका हुन् ।
ढुंगानाको ७ हजार ३७० तथा चौधरीको ७ हजार ९२९ मतभार आएको थियो । मधेसमा कूल मतभार १० हजार ८३९ रहेको थियो ।
अन्य उम्मेदवारमा एमालेका तर्फबाट उषादेवी थरुनी र विजेता झा तथा जनमत पार्टीबाट रामाशंकर महासेठ उम्मेदवार रहेका थिए ।
१३६ पालिकाबाट सबैले मत खसाले भने प्रदेश सभाका १०७ जना सांसदमध्ये लोसपाका सांसद अभिराम शर्माले मतदान गरेनन् ।
