क्राइस्टचर्च । न्यूजिल्याण्डमा आइतबार आएको शक्तिशाली भूकम्पमा परी कम्तीमा दुई जनाको मृत्यु भएको छ भने थुप्रै भौतिक संरचना ध्वस्त भएको छ ।
न्यूजिल्याण्डको समयअनुसार आइतबार मध्यरातिमा आएको भूकम्प ७.८ म्याग्नेच्यूडको मापन गरिएको थियो ।
क्राइस्टचर्चको उत्तरपूर्वी क्षेत्रमा आएको सो भूकम्पको केन्द्रबिन्दु दक्षिणी टापु रहेको बताइएको छ ।
केन्द्रबिन्दु विलिङटनदेखि २०० किलोमिटर टाढा पर्छ ।
मध्यरातमा भूकम्प आएकाले सहजै उद्धार गर्न सक्ने अवस्था नरहेको बताइएको छ ।
अझै केहीको मृत्यु भएको हुन सक्ने न्यूजिल्याण्ड सरकारले जनाएको छ ।
सुनामीको खतराले स्थानीयलाई ठूलै त्रास दिएको थियो । सडक चिराचिरा पर्दा यातायातमा समस्या आएको छ ।
