कोशीमा कांग्रेसले पहिचानको मुद्दालाई नजरअन्दाज गर्न सक्दैन : शेखर कोइराला
अनावश्यक विषयमा महासमिति बैठकमा प्रस्तुत नहुन आग्रह
हाम्रा कुरा
प्रकाशित २०८० फागुन ७ सोमबार
453
Shares
ललितपुर । नेपाली कांग्रेसका नेता डा. शेखर कोइरालाले कोशीमा कांग्रेसले पहिचानको मुद्दालाई नजरअन्दाज गर्न नसक्ने बताएका छन् ।
महासमिति बैठकमा सहभागी कोशी प्रदेशका जिल्ला सभापतिहरूसँग संवाद गर्दै उनले यस्तो बताएका हुन् ।
नेता कोइरालाले प्रदेशको नाम विधिसम्वत् टुङ्गिएको र यसलाई परिवर्तन गर्न कांग्रेससँग दुई तिहाइ मत नभएको जानकारी जिल्ला सभापतिहरूलाई दिएका छन् ।
महासमिति बैठकमा भाग लिन काठमाडौं आएका कोशी प्रदेशका जिल्ला सभापतिहरूसँग संवाद गर्दै उनले पहिचानको मुद्धलाई कांग्रेसले हल्लका रूपमा छाड्न नहुने बताएको छलफलमा सहभागी मोरङ जिल्ला सभापति डिगबहादुर लिम्बुले जानकारी दिए ।
साथै, नेता कोइरालाले अनावश्यक विषयमा महासमिति बैठकमा प्रस्तुत नहुन र पार्टीलाई रूपान्तरण मुद्दाहरूलाई प्राथमिकता दिएर उठान गर्नुपर्ने बताएको लिम्बुले जानकारी दिए ।
“उहाँले महासमिति बैठकमा उठान गर्नुपर्ने विषयमा हामीसँग छलफल गर्नुभयो । साथै कोशीको नाम र पहिचानवादीहरूको विषयमा समेत धेरथोर कुरा भयो,” उनले भने ।
यस्तै नेता कोइरालाले आज बिहान सुदूरपश्चिम प्रदेशका जिल्ला सभापतिहरूसँग आवश्यक छलफल गरेका छन् ।
