सिरियामा आइएसविरुद्धको आक्रमण क्रममा ३२ जनाको मृत्यु

प्रकाशित मिति : २०७३ मङ्सिर २ बिहिबार
तस्वीर – एजेन्सी
एलेप्पो । सिरियाको एलेप्पोस्थित उपचार केन्द्रहरुमा बनाइएको पछिल्लो निशानामा कम्तीमा २१ जनाको मृत्यु भएको छ । 
 
बाल अस्पताल, रक्त सञ्चार केन्द्र र एम्बुलेन्सलाई निशाना बनाइ भएको हवाई आक्रमणमा पाँच बालबालिकासहित २१ जनाको मृत्यु भएको हो ।
 
विद्रोही संगठन इस्लामिक स्टेट आइएसको नियन्त्रणमा रहेको एलेप्पोको पूर्वी क्षेत्रमा रहेको बायाल बाल अस्पताल, रक्त सञ्चार केन्द्र र एम्बुलेन्समा सरकारी सेनाले आक्रमण गरेको हो ।
 
बेलायतस्थित अधिकारवादी संस्था सिरियन अब्जरभेटरी फर ह्युमन राईट्सले घटनामा दुई दिनको अवधिमा ३२ जनाको मृत्यु भएको जनाएको छ ।
 
आक्रमणबाट बायान बाल अस्पताल पूर्णरुपमा क्षतिग्रस्त भएको छ । आक्रमणमा एक जना चिकित्सकको समेत मृत्यु भएको बताइएको छ ।
 
 
सिरिया सरकारलाई सहयोग गरिरहेको रुसले युद्धविरामपछि मंगलबारबाट यहाँ हवाई आक्रमण गरिरहेको छ ।
 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ