कृषि विकास बैंकको साधारण सभा फागुन अन्तिममा

हाम्रा कुरा

प्रकाशित २०८० फागुन १६ बुधबार

काठमाडौँ । कृषि विकास बैंकले साधारण सभा बस्ने भएको छ । सभा फागुन ३० गते बैंकको केन्द्रीय तालिम प्रतिष्ठान बोडे, भक्तपुरमा बिहान ११ बजेदेखि शुरु हुनेछ।

बैंकले यस वर्ष लाभांश सम्बन्धी कुनैपनि प्रस्ताव प्रतुत नगरी सभा बोलाएको हो। सभामा गत आर्थिक वर्षको वार्षिक प्रतिवेदन, नाफा–नोक्सान हिसाब, नगद प्रवाह विवरणलगायतमा पनि छलफल हुनेछ। इक्विटीमा भएको परिवर्तन, नगद प्रवाहलगायतका वित्तीय विवरण छलफल गरी पारित गर्नेछ।

त्यस्तै, बैंकको सहायक कम्पनीहरु कोष व्यवस्थापन कम्पनी तथा गोबर ग्यास कम्पनीको गत आवको वित्तीय विवरणसहितको एकीकृत वित्तीय विवरण स्वीकृत गर्ने प्रस्ताव पनि रहेको छ।