-
-
-
-
पोखरा । पोखरा महागरपालिका वडा नं १३ मा शुक्रबार जब फेयर (रोजगार मेला) हुँदैछ ।
वडाभित्रका बेरोजगार युवायुवतीलाई लक्षित गरी जब फेयर आयोजना गरिएको वडाध्यक्ष किरण बरालले जानकारी दिए ।
जब फेयरमा १२ वटा स्टल रहने र रोजगारी सिर्जना गर्ने गरी प्रशिक्षण गराइने उनले बताए ।
‘अहिलेको सबै भन्दा प्रमुख समस्या बेरोजगारी हो । वडामा भएका बेरोजगार युवायुवतीलाई रोजगार दिलाउने गरी वडाले जब फेयरको अवधारणा अगाडि सारेको हो,’ उनले भने ।
लायन्स तथा लियो क्लब अफ पोखरा सेन्टेनियलसँगको सहकार्यमा फेयर हुने वडाध्यक्ष बरालले बताए ।
कार्यक्रम वडा कार्यालय परिसरमा नै बिहान ९ देखि साँझ ४ बजेसम्म सञ्चालन हुनेछ छ ।
वडावासीको आयस्तर सुधार गर्न पनि जब फेयर महत्वपूर्ण हुने उनले बताए ।
वडाध्यक्ष बरालले जब फेयरमा उपस्थित भएर लाभ लिन वडाबासीलाई आग्रह गरे ।
फेयरमार्फत उत्पादनदेखि प्रविधिमैत्री विषयमा पनि जानकारी दिइनेछ ।
