-
-
-
-
पोखरा । माछा मार्नेक्रममा पोखराको सेती नदीले बगाउँदा गत आइतबार रातिदेखि बेपत्ता भएका एक जना मृत अवस्थामा भेटिएका छन् ।
पोखरा महानरपालिका वडा नं १ सिम्पानी बस्ने रक्से भनिने सार्की लामा तामाङ (मानबहादुर तामाङ) शुक्रबार बिहान ९ः४० बजे पट्नेरीस्थित सेती नदीमा मृत अवस्थामा फेला गरेका हुन् ।
उनी नदीमा डुबेको र ढुंगामा अड्किएको अवस्थामा फेला परेको कास्की प्रहरीका निमित्त सूचना अधिकारी प्रहरी निरीक्षक सूर्यबहादुर रानाले जानकारी दिए ।
रक्सेसँगै माछा मार्न गएका मंगा तामाङ भने आइतबार राति नै मृत अवस्थामा भेटिएका थिए । साथै अन्य ३ जना सकुशल छन् ।
बिहीबार सेती नदी ड्याम खोलेर पानीको बहाव बढाएर समेत रक्सेको खोजी गरिएकोमा अवस्था पत्ता लाग्न सकेको थिएन ।
