प्ले स्टोरबाट १० एप्स हटाएपछि भारत सरकारले बोलायो गुगललाई

हाम्रा कुरा

प्रकाशित २०८० फागुन २० आइतबार

नयाँदिल्ली । गुगलले केही भारतीय एप विकासकर्ताहरूविरुद्ध कडा कारबाही गर्दै तिनीहरुलाई एन्ड्रोइड प्ले स्टोरबाट हटाएपछि सरकारले गुगललाई बोलाएको छ ।

शुक्रबार गुगलले भारतका दश एपहरूले प्ले स्टोरको बिलिङ नीति पालना नगरेको भन्दै गुगल प्ले स्टोरबाट हटाएको बताएको थियो । अहिले भारत सरकारले पनि यस विषयमा हस्तक्षेप गरेको छ । यो समस्याको समाधान खोज्न सरकारले गुगललाई बैठकमा बोलाएको छ ।

केन्द्रीय मन्त्री अश्विनी वैष्णवले भने कि सरकारले एप्स डिलिस्टिङको कडा विरोध गर्दछ र यो हुन नदिने छ। पीटीआईले आफ्नो रिपोर्टमा वैष्णवलाई उद्धृत गर्दै भनेको छ, ‘सरकारले प्ले स्टोरबाट गुगलले केही एपहरू हटाउने विषयमा कडा अडान लिएको छ। हामी एपहरूलाई डिलिस्टेड हुन दिने छैनौँ ।’