- सुन चाँदी दर
- विनिमय दर
- नेपाली पात्रो
- राशिफल
काभ्रेपलाञ्चोक । काभ्रे र काठमाडौँबाट दोहोरो नागरिकता र राहदानी बनाउने एक व्यक्ति पक्राउ परेका छन् । जिल्ला प्रहरी कार्यालय काभ्रेले काठमाडौँ महानगरपालिका ४ स्थायी ठेगाना भएका राजु गुरुङलाई पक्राउ गरेको हो ।
उनलाई पक्राउ गरी जिल्ला प्रशासन कार्यालय काभ्रेले जिल्ला प्रहरी कार्यालय काभ्रेमा आवश्यक अनुसन्धानको लागि पठाएको जिल्ला प्रहरी कार्यालय काभ्रेले जनाएको छ ।
उनले साविकको भरतपुर उपमहानगरपालिका ९ ठेगाना राखेर दुई जिल्लाबाट नागरिकता र राहदानी बनाएको पाइएको छ ।
गुरुङले काभ्रेको बनेपा नगरपालिका वडा नं १४ बाट नागरिकता प्रमाणपत्र नम्बर ३०–०१–७४–१०९७७ को जिल्ला प्रशासन कार्यालय काभ्रेबाट जारी भएको नागरिकता र सोही नागरिकताको आधारमा राहदानी लिएका थिए ।
यस्तै काठमाडौँ महानगरपालिका वडा नं ४ बाट नाप्रनं २७१०६०–१२०२०५ को काठमाडौँ जिल्ला प्रशासन कार्यालयबाट जारी भएको नागरिकता र सोही नागरिकताको आधारमा राहदानी लिएको पाइएको छ ।