-
-
-
-
काठमाडौँ । नेपाली कांग्रेस सम्मिलित सत्ता गठबन्धन धरापमा परेको छ । आइतबार दिनभरको राजनीतिक रस्साकस्सीपछि सत्ता गठबन्धन धरापमा परेको हो । योसँगै आज बिहान बस्ने भनिएको सत्ता गठबन्धनको बैठक स्थगित भएको छ ।
सत्ता गठबन्धनको बैठक स्थगित भएसँगै नेकपा एमाले, रास्वपा लगायतसँग प्रधानमन्त्री एवं माओवादी केन्द्रका अध्यक्ष पुष्पकमल दाहाल प्रचण्डले छलफल गर्दैछन् । प्रचण्डसँग सत्ता गठबन्धन दल जसपाका नेताहरु पनि सहभागी हुनेछन् ।
यसैबीच सत्ता परिवर्तनका लागि नेकपा एमाले केन्द्रीय सचिवालयको बैठक बसिरहेको छ । बिहान ७ बजेदेखि अध्यक्ष केपी शर्मा ओलीको निवास, बालकोटमा बैठक बसिरहेको हो ।
यो बैठक सकिएपछि ओली र प्रचण्ड सम्मिलित बैठक बस्ने जनाइएको छ ।
