अठार गते सेतीमा बेपत्ता विद्यार्थीलाई खोज्न २२ गते बाँध खोलेर खोजी गरिँदै

हाम्रा कुरा

प्रकाशित २०८० फागुन २१ सोमबार

पोखरा । जिल्ला प्रहरी कार्यालय कास्कीले भोलि मंगलबार पनि सेती नदी बाँध खोल्ने भएको छ । नदीपुरस्थित सेती नदी माथिको पुरानो पुलबाट हामफालेर १ विद्यार्थी बेपत्ता भएपछि उनको खोजीका लागि सेती बाँध खोल्न लागिएको हो ।

नदीमा पानीका बहाव बढाएर वेपत्ताको खोजी गर्न लागिएको छ । मंगलबार बिहान १० देखि दिउँसाे २ बजेसम्म बाँध खोलिने हुँदा सेती नदी आसपास नजान र सतर्क रहन प्रहरीले आग्रह गरेको छ ।

पोखरा महानगरपालिका वडा नं. ११ का १६ वर्षका सुगम बास्तोला फागुन १८ गते साँझ ५ः३० बजे सेती नदीमा हामफालेकोमा हालसम्म नभेटिएको प्रहरीले जनाएको छ । आफन्तको आग्रह बमोजिम बाँध खोलेर बास्तोलाको खोजी गर्न लागिएको हो ।