झापा गोल्डकपको उपाधि चर्च ब्वाइजलाई, फाइनलमा सशस्त्र निरीह

युवराज रेग्मी,

प्रकाशित २०८० फागुन २८ सोमबार

झापा । अर्ना छैटौँ झापा गोल्डकप फुटबल प्रतियोगिताको उपाधि चर्च ब्वाइज युनाइटेड एफसीले जितेको छ । झापाको बिर्तामोडस्थित डोमालाल राजवंशी रंगशालामा सोमबार साँझ सम्पन्न फाइनलमा सशस्त्र प्रहरीको एपीएफलाई ३–० गोल अन्तरले हराउँदै चर्च ब्वाइजले उपाधि जितेको हो ।

एकतर्फी खेल खेलेको चर्चका लािग खेलको १२ औँ मिनेटमा अवयोमि ओलुवासिओन फाकुन्लेले गोल गर्दै अग्रता दिलाएका थिए । ६६ औँ मिनेटमा फाकुन्लेले पुनः गोल गर्दै टिमलाई जित नजिक पुर्याए ।

८७ औँ मिनेटमा राजेश परियारले गोल गर्दै टिमलाई जित दिलाए । परियारले फाकुन्लेको पासमा उत्कृष्ट तरिकाले बललाई जाली चुमाएका थिए ।