-
-
-
-
काठमाडौँ । नेपाल अनौपचारिक मैत्रीपूर्ण फुटबल खेलमा मलेसियासँग पराजित भएको छ । गएराति सम्पन्न खेलमा नेपाल मलेसियासँग ५–१ गोल अन्तरले पराजित भएको हो ।
यस खेलमा नेपालका लागि समीर तामाङले एक मात्र गोल गरेका थिए । अभ्यासका लागि खेलाईएको यस खेल ३५ मिनेटको चार वटा भागमा खेलाइएको थियो ।
यो हारपछि अब नेपाली राष्ट्रिय फुटबल टिम फिफा विश्वकप छनोट खेलका लागि बहराइन प्रस्थान गर्नेछ ।
बहराइनसँगको दुई मध्ये एक खेल काठमाडौँस्थित दशरथ रंगशालामा हुनुपर्नेमा दशरथ रंगशाला खेल्नका लागि अयोग्य भएका कारण दुवै खेल बहराइनमा हुने भएका छन् ।
नेपालले पहिलो खेल ८ गते बिहीबार र दोस्रो खेल १३ गते मंगलबार खेल्नेछ । दुवै खेल बहराइनको नेशनल स्टेडियममा हुने तालिका रहेको छ ।
