केएमसीको टोलीबाट रुकुमकोटमा १९ सय बिरामीको निःशुल्क उपचार
हाम्रा कुरा
प्रकाशित २०८० चैत २३ शुक्रबार
2k
Shares
रुकुम। नेपाली कांग्रेसका सांसद डा. सुनीलकुमार शर्माको काठमाडौँ मेडिकल कलेज पब्लिक लिमिटेड (केएमसी) को स्वास्थ्य टोलीले पूर्वी रुकुमको रुकुमकोटमा निःशुल्क स्वास्थ्य शिविर आयोजना गरेको छ ।
सुशील कोइरााला स्मृति प्रतिष्ठानको आयोजना र पूर्वी रुकुमका स्थानीय पालिकाहरूको सह आयोजनमा आयोजित शिविर रुकमणी माध्यमिक विद्यालय सिस्ने पालिका बडा नम्बर ५ रुमुकोटमा सञ्चालन भएको थियो ।
स्वास्थ्य शिविरमा एक हजार आठ सय ७५ बिरामीको निःशुल्क उपचार गरिएको केएमसीका प्रबन्धक नारायणप्रसाद दाहालले जानकारी दिए ।
बिरामीमध्ये १२० जनाको ईसीजी, १८२ जनाको ल्याब परीक्षण १९५ जनाको यूएसजी, ६५ जनाको ईको गरिएको थियो ।
त्यस्तै ५५ जनाको दाँत खोलिएको र १०७ जनालाई रेफर गरिएको छ ।
डा. शर्माले सम्हालेपछि केएमसीले सामाजिक उत्तरदायित्व अन्तर्गत देशका विभिन्न भागमा पुगेर निरन्तर निःशुल्क स्वास्थ्य शिविर गर्दै आएको छ ।
