काठमाडौँ । लोससा अध्यक्ष महन्थ ठाकुरले मधेसमाथिको अन्याय मुलुकमा अझै जारी रहेको आरोप लगाएका छन् ।
अध्यक्ष ठाकुरले सरकारले मधेसमाथि विभेद जारी राखेको जिकिर गर्दै अदालतले पनि न्याय नगरेको गुनासो गरे ।
उनले सबैभन्दा बढी जनसङ्ख्या रहेको मधेस प्रदेशमा कम बजेट दिनु, निर्वाचन क्षेत्र कम बनाउनु मधेस माथिको विभेदको उदाहरण रहेको बताए । मधेस देशको लगभग ५१ प्रतिशत जनसङ्ख्या ओगटेको बताए ।
अध्यक्ष ठाकुरले समग्र मधेसवासीको प्रतिनिधित्व मधेस प्रदेशले मात्रै गर्न नसक्ने भएकाले उनीहरूको हितका लागि अझै पनि सङ्घर्षको आवश्यकता रहेको बताए ।
लोसपा अध्यक्ष ठाकुरले नेपालको इतिहास नै हत्या हिंसाले भरिएको स्मरण गराउँदै आफूहरूले शान्तिपूर्ण सङ्घर्ष गर्दा पनि गोली लठ्ठी खानुपरेको पीडा सुनाए ।
अन्तरिम संविधानमा रहेका अधिकार पनि वर्तमान संविधानबाट हटाइएपछि पटक पटक सङ्घर्ष गर्नुपरेको र सोही सङ्घर्षका कारण कयौँले सहादत प्राप्त गरेको बताए ।
संविधान संशोधन तथा आन्दोलनकारीहरूको न्यायका लागि अझै सङ्घर्ष गर्न आवश्यक रहेको उनको भनाई थियो ।
