-
-
-
-
बाँके । बैंकिङ कसूरमा फरार रहेकी करुणा शाहीलाई प्रहरीले पक्राउ गरेको छ । कोहलपुर नगरपालिका ११ बस्ने करुणा शाहीलाई ईलाका प्रहरी कार्यालय कोहलपुर बाँकेले पक्राउ गरेको हो ।
उनलाई बाँकेको बानियाभार (माईतीघर) बाट प्रहरीको टोलीले पक्राउ गरेको बताएको छ ।
ईलाका प्रहरी कार्यलयका डिएसपी धर्म भण्डारीले अहिले बयान लिने काम भइरहेको र बैंकको कागजात रुजु हुनेक्रममा रहेको जानकारी दिएका छन् ।
केही समय अगाडि बैंकिङ कसूरमै फरार रहेका उनका श्रीमान् अर्जुनबहादुर खाँड ठकुरी पनि पक्राउ परेका थिए । उनलाई गत माघ २७ गते प्रहरी वृत सातदोबाटो ललितपुरबाट पक्राउ गरी कोहलपुर इलाका प्रहारी कार्यलय बाँके पुर्याइएको थियो ।
त्यसपछि गत फागुनन १५ गते जिल्ला अदालत बाँकेले धरौटीमा उनलाई रिहा गरेको थियो । हाल यो अदालतमा मुद्दा विचाराधीन रहेको छ ।
