सहकारीका बचतकर्ताहरूको पक्षमा नेपाल महिला संघ [फोटोफिचर]

हाम्रा कुरा

प्रकाशित २०८१ जेठ १ मंगलबार

काठमाडौँ । नेपाली कांग्रेसको भगिनी संस्था नेपाल महिला संघ सहकारीका बचतकर्ताहरुको पक्षमा उभिएको छ । संघले मंगलबार सहकारीका बचतकर्ताहरूको बचत फिर्ता गराउन, सहकारीको समस्यालाई दिगो रूपमा समाधान गर्न र सहकारीको रकम दुरूपयोग गरी अपचलन गर्ने सहकारी ठगहरूलाई छानबिनको दायरामा ल्याई कानूनी कारबाही गर्न सरकारलाई दबाब सिर्जना गर्नका लागि राजधानीको रत्नपार्कमा विरोध कार्यक्रम गरेको हो ।

विरोध सभामा नेपाली कांग्रेसका नेताहरु, महिला संघका नेताहरु तथा कांग्रेस निकटका विभिन्न संगठनका नेताहरुले सम्बोधन गरेका थिए ।

विरोध सभामा गृहमन्त्री रवि लामिछाने पनि सहकारी प्रकरणमा मुछिएको भन्दै कारबाही गर्न माग गरिएको थियो ।

कांग्रेसले अढाइ महिनादेखि निरन्तर सहकारी पीडितको पक्षमा आवाज उठाउँदै आएको छ । उसले संसदमै गृहमन्त्री रवि लामिछानेको छानबिन गर्नका लागि संसदीय छानबिन समिति बनाउन माग गरेको छ ।