-
-
-
-
काठमाडौँ । कान्तिपुरका मालिक कैलाश सिरोहिया मंगलबार पक्राउ परे । सिरोहिया थापाथलीस्थित कान्तिपुरको कार्यालयबाटै पक्राउ परेका हुन् । एसएसपी सानुराम भट्टराईको नेतृत्वमा उनलाई साँझ ६ः३० बजे पक्राउ गरिएको हो ।
सिरोहियाविरूद्ध जिल्ला अदालत धनुषाको अनुमतिले धनुषा प्रहरीले पक्राउ पुर्जी जारी गरेको थियो । सिरोहियाविरुद्ध दुई वटा नागरिकता लिएको आरोपमा धनुषा प्रहरीले अनुसन्धान गरिरहेको थियो ।
पक्राउ परेपछि सिरोहियाले कान्तिपुरको समाचार रोक्न र ब्ल्यामेलिङ गर्न र मूल मुद्दा विषयान्तर गर्न आफूविरुद्ध पक्राउ पुर्जी जारी गरिएको उल्लेख गर्दै सहकारी ठगीलगायतका बेथितिविरुद्धका समाचार प्रकाशनमा एक इन्च पनि पछि नहट्ने दृढता व्यक्त गरेका छन् ।
