-
-
-
-
काठमाडौँ । नेपाली कांग्रेसका सांसद डा. सुनीलकुमार शर्माको काठमाडौँ मेडिकल कलेज पब्लिक लिमिटेड (केएमसी) को स्वास्थ्य टोलीले रामेछापमा निःशुल्क स्वास्थ्य शिविर गरेको छ ।
गोकुलगंगा गाउँपालिकाको स्वास्थ्य शाखा रस्नालुको आयोजनामा गोकुलगंगा अस्पतालमा भएको स्वास्थ्य शिविरमा ११५५ बिरामीको निःशुल्क उपचार गरिएको केएमसीका प्रबन्धक नारायणप्रसाद दाहालले जानकारी दिए ।
बिरामीमध्ये ८९ जनाको ईसीजी, १०७ जनाको ल्याब परीक्षण र १४५ जनाको भिडियो एक्सरे गरिएको थियो ।
३१ जनाको दाँत खोलिएको थियो भने ४२ जना बिरामीलाई शल्यक्रियाका लागि रेफर गरिएको छ ।
डा. शर्माले सम्हालेपछि केएमसीले सेवा सुविधा थपेको छ भने सामाजिक उत्तरदायित्व अन्तर्गत देशका विभिन्न भागमा पुगेर निरन्तर निःशुल्क स्वास्थ्य शिविर गर्दै आएको छ ।
