-
-
-
-
पोखरा । पोखरामा पहिरोले घर भत्किँदा च्यापिएर एक बालकको ज्यान गएको छ । पोखरा महानगरपालिका वडा नं. २७ अरुपाटाका ३ वर्षीय अनमोल सुनारको ज्यान गएको हो ।
जिल्ला प्रहरी कार्यालय कास्कीका अनुसार आज बिहाज ३ बजे घर माथिबाट पहिरो आएर घर भत्किँदा च्यापिएर अनमोलको घटनास्थलमै ज्यान गएको हो ।
सो घटनामा अनमोलकी आमा २७ वर्षीया रीतु सुनार गम्भीर घाइते भएको र उनको हाल गण्डकी मेडिकल कलेजमा उपचार भइरहेको प्रहरीले जनाएको छ ।
साथै अनमोलका बुबा हरि र दिदी अञ्जलीको सकुशल उद्धार गरिएको प्रहरीले जनाएको छ ।
घटना भएको जानकारी पाउने बित्तिकै इलाका प्रहरी कार्यालय शिशुवाबाट टोली खटिएर उनीहरुको उद्धार गरिएको प्रहरीले जनाएको छ । प्रहरीका अनुसार पहिरोले सुनारको घर पूर्णरुपमा क्षति भएको छ ।
