-
-
-
-
पोखरा । पोखरामा पहिरोले घर पुरिँदा १ जनाको ज्यान गएको छ । मृत्यु हुनेमा पोखरा महानगरपालिका वडा नं.२७ सहेलापाटाका २२ वर्षीय भीमबहादुर थापा छन् ।
जिल्ला प्रहरी कार्यालय कास्कीका सूचना अधिकारी प्रहरी नायव उपरीक्षक (डीएसपी) वसन्तकुमार थापाका अनुसार आज बिहान करिब ४ बजे सहेलापाटास्थित घरमाथिबाट आएको पहिरोले मनबहादुर थापाको घर पुरिएको थियो ।
सोही पहिरोले पुरिएर मनबहादुरका छोरा भीमको घटनास्थलमै मृत्यु भएको हो ।
सोही घटनामा परेकी ५० वर्षीया कमला थापाको भने सकुशल उद्दार गरिएको डीएसपी शर्माले जानकारी दिए ।
ईलाका प्रहरी कार्यालय शिशुवाबाट खटिएको प्रहरी टोली र स्थानीयको सहयोगमा खोज तथा उद्दार कार्य भएको थियो ।
