-
-
-
-
पोखरा । पोखरा महानगरपालिका वडा नं ३२ को चैतपुर बाह्रबिसेमा पहिरोमा पुरिँदा ३ जनाको ज्यान गएको छ ।
स्थानीय आरती ओझाको टिनले छाएको एक तले घर माथिबाट आएको पहिरोले पुरिँदा उनकी २ छोरीसहित ३ जनाको मृत्यु भएको प्रहरीले जनाएको छ ।
मृत्यु हुनेमा १८ वर्षीया अनिता ओझा, ११ वर्षीया अनुष्का ओझा र दाइको छोरा ९ वर्षीय प्रतिक सुवेदी छन् ।
सो घटनामा घरधनी ४० वर्षीया आरती घाइते भएको बताइएको छ ।
उनको पश्चिमाञ्चल क्षेत्रीय अस्पतालमा उपचार भइरहेको प्रहरीले जनाएको छ ।
