-
-
-
-
काठमाडौँ। नारायणगढ–मुग्लिन सडकअन्तर्गत भरतपुर महानगरपालिका–२९ सत्रकिलोमा पहिरोसँगै माथिबाट खसेको ढुङ्गा लागेर बस चालकको मृत्यु भएको हो।
बुटवलबाट काठमाडौँ जाँदै गरेको लु २ ख ६५६६ नम्बरको बसका चालक नवलपरासीको सुनवल नगरपालिका–४ निवासी ३६ वर्षीय मेगनाथ विकको मृत्यु भएको जिल्ला प्रहरी कार्यालय चितवनले जनाएको छ।
आज बिहान करिब ३ बजेको समयमा लेदोसहितको पहिरो अचानक गुड्दै गरेको बसमाथि खस्दा चालक विकले ज्यान गुमाएका हुन् । ढुङ्गा लागेर गम्भीर घाइते विकको चितवन मेडिकल कलेजमा उपचारका क्रममा बिहान ४ बजे मृत्यु भएको छ।
