काठमाडौं । सुनसरीको दुहबीमा रहेको एउटा उद्योगमा भीषाण आगलागी भएको छ । सोनापुर गाविस वडा नं १ मा पर्ने हनुमान पोलिफर्ममा मंगलबार साँझ साढे ६ बजेतिर आगलागी भएको दुहबी प्रहरीले जनाएको छ ।
त्यहाँ अहिले उच्च संस्ख्यामा प्रहरी परिचालन गरिएको छ । आगो नियन्त्रणमा लिनको लागि झण्डै ४ सयको संख्यामा प्रहरी परिचालन गरिएको प्रहरी हवल्दार इन्द्र श्रेष्ठले जानकारी दिए ।
त्यहाँ अहिले ५ वटा दमकल पुगेर आगो निभाउन थालिसकेका छन् भने थप ४ दमकल बोलाईएको श्रेष्ठले बताए । उक्त उद्योग एकान्तमा रहेकोले अन्य घर तथा उद्योगमा आगो सल्किने सम्भावना नरहेको प्रहरीले जनाएको छ ।
आगो आधा भन्दा बढी नियन्त्रणमा दिई सकिएको छ भने क्षतिको यकीन विवरण आउन सकेको छैन ।
