-
-
-
-
पाेखरा। स्रोत नखुलेको रु १२ लाख नगद बोकेर काठमाडौंबाट पोखरा आउँदै गरेका दुई युवा पक्राउ परेका छन् ।
उनीहरुलाई तनहुँ प्रहरीले पक्राउ गरेको हो । मोटरसाइकलमा आइरहेका उनीहरूलाई शङ्का लागेर जाँच गर्दा उक्त नगद बरामद भएको हो ।
व्यास नगरपालिका वडा नं. ३ दुर्गामन्दिर नजिकैको सडकबाट उनीहरूलाई पक्राउ गरिएको तनहुँ प्रहरीले जनाएको छ ।
पक्राउ पर्नेमा रोल्पाको माडी गाउँपालिका वडा नं. ५ पासाबाङ घर भई हाल काठमाडौँ चन्द्रागिरि नगरपालिका वडा नं. १० बस्ने २० वर्षीय लक्ष्मण केसी र २५ वर्षीय सुशान केसी हुन् ।
यस विषयमा अनुसन्धान भइरहेको प्रहरीले जनाएको छ ।
